قصة مستشفى عرقه المهجور هع هع هع

هذي قصه قريتهآ وحبيت أنقلهآ لكم
وأتمنى أنهآ تعجبكم مثل مآ عجبتني
وأنقلهآ من لسآن الكآتب للقصه وترآهآ وآقعيه

:

السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين

التكمله ان شاء الله الرد الجاي
إذآ شفت تفآعل
أختكمـ :عذووبه

مدير عدد المساهمات : 38 تاريخ التسجيل : 27/11/2009

هع هع هع هع هع هع هع ط
والله اكشن ..

بس بصراح هالسكيورتي هذا وش اسمه ؟؟

حاب اتعرف عليه

...

بسم الله علينا بس يالله بالله الجزء الثانية

إيه طيب تعرف عليه وأنآ معك
:
منور بالطله خيوو ..
وإذا شفت تفآعل ولا تهون أبشر بالجزء الثآني
بالصور بعد

مدير عدد المساهمات : 38 تاريخ التسجيل : 27/11/2009

ولد ولد ولد

فيه صور بعد ياجماعة المرابيع تعالو فيه صور واكشن وجن وفله

متى الجزء الثاني يا عذوبة؟؟؟

مافيه اي تفآعل من الأعضآء
حرآم عليكم ثلآث ردود كفيله بأني أنزل الجزء البآقي ولا يهون أخوي زيدآن

:
أخوي زيدآن اذا تفآعلو نزلت الجزء البآقي
وهو أطول من هذآ ومعه صور للمكآن <<--- يعني تسوي دعآيه

ياماما وش هذا
لو انه انا والله ما افكر اروح هناك
من جد مغامرين
في انتظار الجزء الثاني

السنيوره غنآتي هذي هي روح الإثآره
:
منوره بالطله وترقوبآ الجزء الثآني
حسيت اني MBC أكشن بعد هع هع هع <<---

اتمنا ان اشوف الجزء الثاني الان